CAGAYAN DE ORO CITY – Gihikling ang kapin libo ka pamilya o sobra 4-mil ka indibidwal sa mas luwas nga mga lugar epekto sa mga pagbaha gumikan sa pila ka adlaw nang pagbundak sa ulan sa Northern Mindanao.
Kini tungod sa presensiya sa duha ka bagyo nga anaa dakong bahad sa katawhan dinhi sa nasud.
Gibuyag ni Office of the Civil Defense 10 spokesperson Mhabz Galvez nga kabahin sa dunay mga pamilya nga gipangbakwit ang Cagayan de Oro,Misamis Occidental ug ang pipila ka lungsod sa Bukidnon.
Gitaho usab ni Galvez nga may 44 ka balay na nga nadamyos tungod sa pagbaha sa lungsod sa Quezon ug Kitatao.
Hinoon,walay mga kinabuhi sa tawo nga nakalas apan may duha ka residente usab sa Bukidnon ang samaron epekto sa pagdahili sa yuta.
