Misaka pa sa 713 ka tawo ang stranded sa ilang biyahe gikan sa upat ka dagkong pantalan sa Northern Mindanao, pagka-alas 4 sa hapon, Pebrero 5.
Lakip sa mga apektadong pantalan mao ang Port of Cagayan de Oro, Port of Ozamis, Port of Tagoloan, ug Holcim Port.
Subay sa report sa Philippine Coast Guard (PCG), muabot sa 13 ka sakayan ang wala makapadayon sa biyahe tungod sa peligro nga kondisyon sa dagat.
Sa maong gidaghanon, siyam niini ang ang nagpasilong sa mga pantalan aron malikayan ang kadaot ug masiguro ang kaluwasan sa tripulante ug pasahero samtang naghulat nga moluwas ang panahon.
Kining tanan, epekto gihapon sa Bagyong Basyang kundiin, sulod sa Tropical Cyclone Wind Signal no. 2 ang Misamis Oriental, Misamis Occidental, Camigiun, ug Bukidnon.
