Gipresentar na ni Senator Bam Aquino ang Senate Bill No. 2272 nga nagtumong sa pag-amyendar sa Masustansyang Pagkain Para sa Batang Pilipino Act.
Gipadayag sa senador ang iyang pasalamat sa mga ahensya sa gobyerno ug sa iyang mga kauban sa komite nga nakigtambayayong sa pagpanday niini nga lakang.
Gihatagan niyag importansya ni Aquino nga kining reporma gitumong alang sa mga kabataan nga nanginahanglan ug nag-atubang sa kagutom.
Bisan pa sa mga paningkamot, gikasubo sa magbabalaod nga nalangan og pipila ka semana ang pag-uswag sa maong balaudnon tungod sa ubang mga panghitabo sa Senado.
Gilauman nga pinaagi niini nga lakang, mas mapalapdan pa ang suporta sa nutrisyon sa mga estudyante sa tibuok nasod.
