Nakadawat sa daghang reklamo ang konseho sa Barangay Pagatpat human natukod sa ilang lugar ang temporaryong “garbage transfer facility”.
Gibutyag ni Kapitan Boboy Babaran nga wala na maagwanta sa mga residente ang baho ug kadaghan sa langaw nga gikan sa pasilidad.
Gidugang sa kapitan nga ang pagtukod sa pasilidad wala miaging sa barangay council ug silang tanan nakurat kung nganong nagsugod sa pagta,bay ang mga garbage truck sa ilang residential area.
Tungod sa polusyon sa hangin ug pagdagsang sa daghang langaw, gihingusgan sa konseho nga ipahunong ang operasyon kay nakahatag kinig dakung hulga sa panglawas sa ilang mga residente.
