Napugos sa pag emergency landing ang
Air China Flight CA139 human masunog ang overhead compartment tungod sa lithium battery.
Ang commercial flight gikan pa sa Hangzhou padulong sa Incheon, South Korea, napugos sa landing sa Shanghai Pudong International Airport, Oktubre 18, human nagdilaab ang hand carry baggage sa pasahero.
Ang insidente nahitabo sulod sa Airbus A321, mga 30 minutos human sa paglupad, kundiin nakita sa mga pasahero ang pagdilaab sa kalayo ug itom nga aso nga migula sa overhead compartment.
Ang mga crew ug usa ka pasahero misulay og pamatay sa kalayo gamit ang onboard fire extinguisher, samtang ang piloto mipili sa dali nga diversion route padulong sa Shanghai aron malikayan ang mas grabe nga kadaut.
Hinoon, walay naangol nga pasahero, ug ang Air China nagpadala sa kapuli nga eroplano aron ipadayon ang biyahe padulong sa Incheon.
Hisayran nga ang insidente nagpukaw sa kabalaka sa kahimtang sa seguridad sa mga lithium battery sulod sa eroplano, ilabi na kung kini wala ma-deklarar ug ma-inspeksyon sa hustong paagi.
Gipahimangnoan ang mga pasahero nga likayan ang pagdala sa lithium batteries sa overhead compartments, ug siguruhon nga luwas ug nasabtan sa airline crew.
