Bastante ug dili apektado ang supply sa bugas sa mga merkado sa syudad bisan pa sa krisis ug pagsaka sa presyo sa petrolyo, sumala ni Franklin Dagcuta, presidente sa Cogon United Market Vendors Association.
Matod niya, wala’y problema sa suplay kay daan nang naabot ang bugas sa mga bodega sa mga traders sa wala pa misaka ang presyo sa lana.
Tungod niini, dili direktang naapektuhan sa pagsaka sa gasolina ang kasamtangang imbentaryo sa mga bodega.
Dugang pa ni Dagcuta, puno-puno sa pagkakaron ang mga warehouses, samtang adunay gihapon lokal nga bugas bisan mas gamay ang gidaghanon kumpara sa imported nga suplay.
Busa iyang gipasiugda nga walay timailhan sa kakulang sa bugas karong panahona sa syudad, bisan pa sa kasamtangang krisis, ug wala usab dakong pagmahal sa presyo sa merkado sa pagkakaron.
