Dili tukmang tubag sa nagpadayong krisis sa edukasyon ang planong pagtangtang sa ubang general education subjects gikan sa kolehiyo ug pagbalhin niini ngadto sa Senior High School sa ilawom sa Kâ12 program.
Kini ang giingon sa magtutudlo nga si John Barry Tayam, LPT ug usa ka Supreme Court petitioner.Matud niya, dili masulbad ang mga hagit sa sektor sa edukasyon pinaagi sa pagkunhod sa mga subject, leksyon ug oras nga gigahin alang sa pagkatâon sa mga estudyante.
Dugang pa niya nga mas angay pa gani nga mapalapdan ang oportunidad sa edukasyon ug padayon nga dasigon ang mas taas nga pagtuon sama sa masterâs ug doctoral degrees.
Gipasabot usab ni Tayam nga ang Rizal subject dili basta mahimong ilakip sa ubang kurso tungod kay aduna kini kaugalingong legal nga basihan ug kinahanglan magpabiling independent nga subject sa kolehiyo.
Busa, giingon niya nga mas epektibo ang pagpaligâon sa kalidad sa edukasyon pinaagi sa pagpreserbar sa mga importante nga kurso kaysa pagminus sa mga kahigayonan sa pagkatâon sa mga estudyante.
