CAGAYAN DE ORO CITY – Patay ang suspected gun runner sa entrapment operation sa mga pulis sa Tomasaco 15th St, Brgy Macasandig ning syudad kagabii.
Giila ni Police Capt Mario Mantala Jr,hepe sa Crime Against Persons and Property Desk o CAPPD ang napatay nga si Jerome Agcang, hingkod ang panuigon nga taga- El Salvador City ning lalawigan ug miembro sa Batang Mindanao o BM 29 ning syudad.
Gibutyag ni Mantala nga napalitan nila ang suspek sa kalibre 38 nga pusil bugti sa P1500 apan nakamatikod kini sa presensya sa mga pulis busa namusil.
Apan paspas nga nakabalos ang responding team ug nakaangkon sa tulo ka igo sa dughan ang suspek hinungdan patay nang nakaabot sa city hospital sa syudad.
Suspek usab si Agcang sa pagpanulis,pagpangawat sa mga sekyu nga tulog samtang narekober gikan kaniya ang sling bag nga adunay sulod nga tulo ka pakete sa gitoohang shabu ug usa ka teabag sa gitoohang marijuana.
