CAGAYAN DE ORO CITY – Kasuhan na’g kriminal sa buhatan ni Cagayan de Oro District 2 Cong. Rufus Rodriguez pinaagi sa kapolisan ang duha ka tawo nga utok sa pagpeke sa mga dokumento aron makakuha’g cash ayuda gikan sa DSWD 10 ning syudad.
Kini human unang nabantayan sa DSWD 10 nga nagsunod ang 14 ka claimants pagkuha sa financial assistance gikan sa buhatan ni Rodriguez nga dili normal sa inadlaw nga pagserbisyo sa miaging semana.
Namahayag si Carmen Police Station commander Major Mario Mantala Jr nga maoy kasuhan sa FALFSICATION OF PUBLIC DOCUMENTS sa piskalya ning adlawa si Melchor Rasalo nga taga-Brgy Canitoan ug usa ka alyas Rene nga residente usab sa Brgy Lapasan ning syudad.
Nadakpan si Melchor pinaagi sa entrapment operation ug gitudlo nga sinugo lang kini ni alyas Rene.
Hisayrang gikan sa 10-mil pesos cash ayuda nga ma-release sa DSWD,2-mil lang ang makuha sa na-recruit nga claimants.
