CAGAYAN DE ORO CITY – Imbestigaran sa Commission on Elections-central office ang pipila ka lugar sa nasud nga dunay grabeng pagsaka sa mga botante nga nagparehistro alang sa 2025 elections.
Kini ang rason nga giporma ni Comelec chairman George Garcia ang task force aron sutaon kon wala ba nasupak sa pipila ka nagpaluyo sa kalit nga vote transfer registration ang mga gabayan sa election laws sa nasud.
Miingon si Misamis Oriental Provincial Election Supervisor Atty Carlito Ravelo nga wala mag-inusara ang Brgy Carmen ning syudad ug pipila ka lungsod sa Misamis Oriental sa maong isyu.
Kini tungod kay adunay daghan pa nga bahin sa Pilipinas ang kuwestiyonable ang pagsaka sa mga rehistrante.
Hinoon,wala pa sugdi sa task force ang imbestigasyon may kalabutan sa maong isyu.
