CAGAYAN DE ORO CITY – Nangunay sa pagpangamuyo ang amahan sa barangay sa Canitoan nga si Kapitan Lance Padla nga unta matunulan sa dugang tabang pinansiyal nga alang sa pamilya nga nag-atiman sa namatay’ng 2-anyos nga napaslot sa ininit nga tubig sa Sitio Calaanan sa syudad sa miaging adlaw.
Kini human niya duawa ug tunuli sa ginagmay’ng tabang ang pamilya sa biktima nga si Cody Ryan Balili pipila ka adlaw gikan sa dili maayong hitabo.
”Langitnong Amahan, palihog paminawa kini nga pag-ampo kang CODY RYAN BALİLİ ug hatagi iyang kalag sa imong gugma samtang siya mosulod sa imong langitnong gingharian. ”
Miingon si Padla nga lu-oy ang kahimtang sa pamilya tungod sa kapit-os sa panginabuhi rason nga angay mapun-an ang tabang-pinansyal nga madawat nila alang sa dugang panginahanglan.
Una na nang nakurat ang pamilya sa kapaspas sa hitabo nga igo lang magtunaw’g gatas ang amahan sa bata aron ipainom kaniya apan nasangguyan ang ininit nga tubig rason sa hitabo.
