Alayon sa selebrasyon sa Valentines Day, nagpasidaan ang mga eksperto sa tanan mga ginikanan nga bantayan ang lihok sa mga teenager nga mga anak.
Namahayag ang Community Improvement Division sa dakbayan nga nagsaka ang kaso sa sa teenage pregnancy.
Gibutyag ni Adolescent Health and Development Program Coordinator Michael Abrogar nga ang pakighilawas sa sayo nga edad dili sukdanan sa tinuod nga gugma, kondili kasagaran bunga lamang sa curiosity ug kakulang sa kahimtangan sa pagdesisyon sa mga batan-on.
Nanawagan usab si Abrogar sa mga tunghaan sa sekundarya nga hatagan sa igong giya ang mga kabatan-unan nga proteksyon ang ilang lawas, ug hatagan sa daghang leksyon sa pag-atiman sa kaugalingon inay pagsulod sa lihok sa mga minyo.
