Namatay na sa edad 50 ang iladong TGIS Member nga si Red Sternberg. Naila ang actor sa iyang screen name nga “Kiko” sa hit 90’s weekly TV-series nga Thank God Its Sabado.
Gi-anunsyo sa iyang kapikas ang pagkamatay sa actor sa milabay’ng adlaw. Pinaagi sa facebook post, namahayag si Sandy Sternberg nga gisakit sa iyang pamilya ang pagpanaw sa iyang kapikas ug nagkinahanglan silag pribasiya mahitungod niini.
Una nang nagviral sa social media ng balita nga namatay na ang actor apan, kagahapon pa gikompirmar sa iyang pamilya. Daghan sa mga kauban ni Red sa TGIS ang mipadangat sa ilang pahisubo, ilabe sila Angelu de Leon, Michael Flores, ug Ciara Sotto.
Si Mark Reyes, direktor sa T.G.I.S., nagpost usab sa Facebook, nga nag-ingon nga “The entire T.G.I.S Barkada is heartbroken to lose one of our own”.
Si Sternberg gipanganak isip Rodwick Sternberg sa Mayo 30, 1974, ug dapat magselebrar unta siya sa iyang ika-51 nga adlaw nga natawhan, kagahapon.
