Mihatag sa kortesiya ang top official sa European Union sa kongreso kagahapon.
Init nga gisugat ni House Speaker Faustino “Bojie” Dy III si Bernd Lange, Chairman sa Committee on International Trade (INTA) sa European Parliament, sa Legislators Executive Lounge.
Sa pagpulong sa duruha lakip sa ilang nahisgutan ang tagsa-tagsa nga kahimtang ug dagan sa politika, ekonomiya, kalakalan, ug pamuhunan.
Ang Europa, segun ni Dy nagpakitag interes sa pagpalambo sa trade relations pinaagi sa mas patas nga access sa merkado ug pag-ugmad sa mga oportunidad sa export ug import.
Pagduso sa foreign investments nga makahatag ug trabaho ug teknolohiya sa Pilipinas.
Pagpalig-on sa political dialogue aron masiguro nga ang duha ka bahin magtinabangay sa mga isyu sama sa climate change, human rights, ug global security.
Pagpauswag sa economic cooperation pinaagi sa mga programa nga makabenepisyo sa SMEs (small and medium enterprises) ug sustainable development.
Apil usab sa miting ang EU Ambassador Massimo Santoro ug uban pang mga kongresista sama ni House Minority Leader Marcelino Libanan, nga nanawagan nga ang trade agreements dapat maghatag ug konkreto nga benepisyo sa mga Pilipino.
