CAGAYAN DE ORO CITY – Gitinguha ni Pres Bongbong Marcos nga mahimong sunod nga Asia’s tourism power house ang Pilipinas.
Kini ang hinungdan nga gisuportahan sa presidente ang mga programa ni Tourism Secretary Maria Esperanza Christina Frasco nga naglakip sa Mindanao Travel Expo nga gihimo sa Atrium,Limketkai Mall ning syudad sugod kagahapong adlawa.
Pag-angkon sa kalihim nga dako’g papel ang Mindanao sa kagustuhang mahitabo ni Marcos rason gihimo sa ikaduhang higayon sa DoT ang Mindanao Travel Expo tinambungan sa laing 16 nila ka regional offices ug mismo sa tourism stakeholders sa tibuok nasud.
Nagtoo si Frasco nga kon tuyo sa katawhan magbaton sa maayong turismo ang Pilipinas angay matubag ang kakulang sa imprastraktura,connectivity,digitalization,enhancement tourism experiences ug paghupot sa lig-on nga tourism governance.
Dugtong niini,gilayong gitubag usab ug gipasalig ni City Mayor Rolando ‘Klarex’ Uy ang pagsuporta sa mga programa sa DoT nga maoy gusto mahitabo ni Marcos alang sa Mindanao.
Miingon ang mayor nga ipadayon sa city govt ang pagsilbing usa sa tourist destinations sa syudad diin asset niini ang pagsilbing city of golden friendship.
Gihimo ni Uy ang mensahe nunot sa iyang pagtambong ug pag-abi abi sa mga partisipante sa expo nga gisugdan dinhi sa syudad kagahapong adlawa.
Samtang alang usab kang Misamis Oriental Gov. Petert Unabia,angayang buksan aron sayon ang pagdugtong sa tanang tourist destinations nga makita dinhi sa Mindanao.
Kini ang tubag sa gobernador sa hangyo ni Frasco nga suportahan ang national tourism devt plan sa administrasiyon.
Nagtoo ang gobernador nga pinaagi sa Mindanao connectivity ug paggamit sa tanang tourism resouces niini,sayon mapanas ang ‘stigma’ nga padayong gubot ang isla.
