Nagpatuman ug kalit nga mandatory drug test ang Philippine Drug Enforcement Agency (PDEA) Region 10 sa miaging Sabado, isip kabahin sa internal nga kampanya batok sa iligal nga droga sulod sa ilang han-ay.
Sumala kang PDEA Region 10 Director Alex Tablate, usa ka surprise drug test ang gihimo sa ilang buhatan, diin wala’y ni usa sa 139 ka personnel ang napatunayang positibo sa iligal nga droga.
Matod ni Tablate, gilakip sa drug testing ang tanang ahente gikan sa lima ka probinsya sa rehiyon, lakip na ang mga personnel sa administrasyon, regular nga staff, ug mga job order employees.
Dugang pa niya, ang kalit ug mandatory drug testing usa ka mandato nga ipatuman sa tanang regional offices sa PDEA isip pagpamatuod nga limpyo ug disiplinado ang mga kawani sa buhatan nga nanguna sa kampanya batok sa droga.
