CAGAYAN DE ORO CITY – Kasuha’g kriminal ang trak drayber nga nakaligis-patay sa tulo ka mga estudyanteng babaye nga pulos mga menor de edad sa highway sa Barangay Cagaya,San Fernando,Bukidnon.
Kini human ubos na kustodiya sa kapolisan ang suspek nga si Reynaldo Camaso,41 anyos nga taga-lungsod sa Kibawe pipila ka oras nga pagpangita gikan sa pagkahitabo.
Namahayag Police Major Christian Serdeña,hepe sa San Fernando Police Station nga naabtan sa pila ka oras ang pagtago sa suspek sa tunga-tungang bahin sa kamaisan kay adunay mga tawo nga naggukod kaniya rason nga grabe ang iyang gibating kahadlok.
Saysay sa suspek nga wala daw kini makabantay sa pagpanabok sa mga biktima nga nag-edad 5,7 ug 9 aron mosulod na sa ilang eskuwelahan hinungdan nga nangaligsan.
Tungod niini,atubangon sa suspek ang kasong reckless imprudence resulting into multiple homicide samtang gilauman nga makig-negosyar ang iyang agalon ngadto sa mga pamilya sa mga biktima epekto sa aksidente.
