CAGAYAN DE ORO CITY – Posibleng makuha na’g balik sa sobra 300 ka operators ug draybers ang ilang bao-bao units nga unang gipangdakop sa Roads and Traffic Administration o RTA enforcers nga ilegal nagbiyahian sa syudad sa miaging mga bulan.
Kini human isulti ni RTA manager Engr Nonito Oclarit nga gusto ikahimamat ni City Mayor Rolando ‘Klarex’ Uy ang bao-bao owners sa city hall sa sunod semana.
Namahayag si Oclarit nga dili layo nga mauli na ngadto sa tricab drivers ang ilang units nga nangatikitan kay namasahero palibot sa syudad nga walay pagtugot sa oras nga ikasulti na nila si Mayor Klarex.
Hisayrang mismo si Klarex ang nagmando nga did-an ang mga bao-bao subay usab sa Department of Interior and Local Government o DILG circular.
