CAGAYAN DE ORO CITY-Gawasnon na sa dili madugay ang truck driver nga nakaligis-patay sa 3 ka lalaki ug laing usa ang samaron sa ngilngig nga aksidente sa Vamenta Boulevard,Brgy Carmen sa syudad sa miaging gabii.
Kini human giingong nakig-areglo na ang mga pamilya sa mga biktima nga dead on the spot sa dihang nabangil sa ilalom sa sakyanan nga gimaneho ni Richard Ombreso.
Gibutyag ni SPO1 Bernard Delute,traffic investigator sa Carmen Police Station nga sa balor P200-mil nga gipasalig sa agalon ni Ombreso nga ibayad sa mga pamilya sa namatyan,hayan makab-ot ang affidavit of dessistance.
Kumbinsido usab si Delute nga sad-an ang mga biktima nga sila si Joseph Niko Obensa,Reynante Operario ug Jason Operario pulos residente sa Brgy Kauswagan sa syudad human mi-ovetake sa truck hinungdan sa pagka-aksidente niini.
