ESTADOS UNIDOS – Anaa sa luwas nga kondisyon sa panglawas ni kanhi US President Donald Trump.
Kini human mibati sa tumang kalisang ang supporters ni Trump sa pagpusil kaniya dihang nagkadugo ang iyang kilid nga bahin sa nawong samtang nangampanya sa Butler,Pennsylvania.
Human sa subsob nga imbestigasyon, naila sa Federal Bureau of Investigation ang suspek n nga si Thomas Matthew Crooks, 20 anyos, usa ka rehab nurse, ug residente sa Bethel Park, Pennsylvania.
Namatay si Crooks human masapon sa ahente sa Secret Security Service nga miposisyon sa iyang armas ibabaw sa atop sa usa ka gambalay, kapin-kun kulang 200 metros ang gilay-ong gikan sa entablado diin mitindog si Trump.
Gawas sa suspek, laing usa ka Trump supporter ang nakabsan, human naigo sa bala gikan sa pusil sa suspek.
Rehistrado ang suspek isip Republican ug midonar pa sa 15 dolyares alang sa republican rally sa tuig 2021.
Gideklarar sa FBI nga dili shootout apan “assassination attempt” ang gihimo kang Trump.Dili pa makonsiderar sa mga otoridad nga “case closed” na ang kaso kay wala pay matumbok nga motibo, ug posibleng utok sa assassination ni Trump.
Apan bisan hitabo,nanganti si Trump nga padayon ang iyang kampanya hangtod nga mohukom ang mga botante alang sa bag-ong ilhong presidente batok sa kandidatura ni incumbent US Pres.Joe Biden kinsa nakurat usah sa hitabo.(Bombo Anne Quileste).
