Gisaway ni US President Donald Trump ang pagbisita ni British Prime Minister Keir Starmer sa China. Gihimo ni Trump ang pagkastigo dihang mitambong siya sa premier night sa film documentary sa iyang kapikas nga si Melania.
Miingon si Trump nga delikado alang sa United Kingdom ang pakig-alyado sa China, ilabe na ang nasud sa Canada.
Hinoon, inay tirahan sa pait nga komentaryo si Starmer, maoy gibirahan ug maayo ni Trump ang kasamtangang kahimtang sa ekonomiya sa Canada.
Alang kang Trump, gikonsiderar niya ang maong nasud nga nagkapit-os ug sigurado nga mag-atubang sa kalisdanan ang China sa pagluwas sa ekonomiya sa Canada.
Mahinumduman nga gawas sa China nga gitamparus sa 25% nga taripa sa ilang mga sakyanan, ang Canada gilaparo usab ni Trump sa 35% taripa sa ilang car export.
