Gibulgar ni Israeli Prime Minister Benjamin Netanyahu nga mihimo’g ikaduhang pagsulay o 2 assassination attempts ang Iran sa kinabuhi ni US President Donald Trump, sulod sa tuig 2024.
Si Netanyahu miingon nga ang Iranian intelligence naggamit sa proxy groups aron ipatuman ang maong mga plano, ug kini usa ka dakong hulga sa seguridad sa Estados Unidos.
Gihimo sa primo ministro ang pamahayag dihang gi-interbyu sa usa ka international news channel, samtang nagka-init ang bangi sa ilang nasud ug sa Iran.
Si Netanyahu nag-ingon nga ang Iran nagtan-aw kang Trump isip ilang “enemy number one”, kay babag kini sa ilang nuclear ambitions.
May plano sab daw ang Iran nga siya ipapatay kay siya man ang junior partner ni Trump sa ilang paningkamot batok sa Iranian nuclear program.
Paspas nga gisalikway ni Iranian President Masoud Pezeshkian ang tanan alegasyon ni Netanyahu.
