Gipanumpa ni United States President Donald Trump nga dili niya tugotan ang Iran nga makabaton sa nuclear weapons.
Kini ang usa sa gipasalig ni Trump sa iyang State of the Union address diin diretso usab siyang gi-kondinar sa Tehran ug gi-kumpara kini sa Nazi propaganda.
Sumala ni Trump, daghan nang higayon nga mipadayag ang Iran sa mga negosasyon sa Estados Unidos apan wala kini namahayag nga dili sila mobaton sa nuclear weapon, hinungdan nga mipadayon ang tensiyon sa duha ka nasud.
Dugang pa ni Trump nga naka-develop na ang Iran sa mga missiles nga makapahadlok sa Europa ug sa mga US base sa lain-laing nasud, ug kasamtangan silang nagtrabaho aron makahimo sa missiles nga kaya na usab moabot sa Amerika.- (Phillip Ariata)
