Mihungaw na ang pag-aslom sa tinagdanay nila US President Donald Trump ug kanhi DOGE Czar Business Tycoon Elon Musk.
Ang bangi sa duruha nasugdan sa gitinguha nga Big Beautiful Bill.
Usa kini ka daku nga tax ug spending bill nga gipasa sa House of Representatives.
Si Musk misupak sa maong balaod, ug kini ang nakitang rason nga mibiya siya sa iyang posisyon isip Efficiency Czar.
Gitratar ni Musk ang sugyot isip “massive, outrageous, pork-filled Congressional spending bill” ug makadaut sa katawhan sa Estadus Unidos.
Hisayran nga human sa pipila ka adlaw nga pagbiya sa opisyal sa nabungkag Department of Government Efficiency (DOGE), nagpaturagas na si Musk sa pagpost sa social media sa iyang pagkondinar ug walay pagkahimoot sa mga desisyon nga gipaluyuhan sa iyang kanhi suod nga higala.
Miabot pa sa punto nga nagpiniskanay sa sakit nga pulong ang duruha sa ilang social media.
Si Musk namugos nga dili makadaug si Trump kung wala ang iyang tabang, samtang si Trump misaway sa mga lihok ni Musk dihang gihimong labaw sa DOGE ug gitawag nga “buang” gumikan sa iyang wala’y undang nga kritisismo sa White House ug sa mga kaalyado niini.
Hinoon, aduna nay mga paningkamot nga ipag-uli ang duruha apan, walay pay petsa sa ilang sunod nga pagtagbo.
Mismo si Trump ang nakurat sa kalit nga mga kritisismo ni Musk.
