Nanawagan si US President Donald Trump sa tabang sa ubang nasud nga magpadala sa ilang naval forces aron masiguro ang kaluwasan sa Strait of Hormuz.
Hisayran nga ang maong agi-anan sa dagat usa ka kritikal nga ruta sa kalibutan alang sa pagpadala sa lana ug gas, kondiin ang mga tensiyon sa rehiyon nakahatag na sa epekto sa ekonomiya ug merkado sa enerhiya.
Gipahibalo usab ni Trump nga magsugod na ang Estados Unidos sa pag-escort sa mga tanker nga molabay sa maong ruta.
Gipamugos sa presidente ang panginahanglan sa mas lapad nga internasyonal nga paningkamot aron mapadayon nga abli ug luwas ang Strait of Hormuz. (By Phillip Ariata)
