Bilinhon ang press freedom.
Kini ang gipalanog ni Pope Leo XIV sa tibook kalibutan, alayon sa selebrasyon sa WORLD PRESS FREEDOM DAY.
Didto sa Vatican, namahayag ang Santo Papa nga sa matag tawo, aduna kitay gisapnay nga misyon sama sa mga anaa sa prensa.
Iya gipamugos nga kinahanglan gawasnon sa gahum sa pamulitika, kahadlok ug pag-intimidar ang mga balita ug impormasyon nga ipagawas sa prensa.
Lakip sa iyang gipasidunggan ang mga peryodista o mga tawong nanarbaho sa pagmugna sa mga mantalaan, lakip na ang mga reporter nga maisugon sa paghatag balita sa mga lugar nga gubot o adunay kasamtangang gubat.
Iyang giila ang dakung risgo ug sakripisyo sa ilang kinabuhi sa ngalan sa ilang gisumpaan nga trabaho ug obligasyon sa katilingban ug sa kalibutan.
Nanawagan ang Santo Papa sa tana miyembro sa prensa nga itigbabaw ang kamatuoran kay kini maghatag kahayag, kahiusa ug kaluwasan sa tanan kasamok sa kalibutan.
