Dili na mo-kandidato subli sa pagka presidente si Republican Party presidential standard bearer Donald Trump sa tuig 2028.
Pagtin-aw kini ni Trump ilabina nga gipanigurado niya ang iyang kadaugan sa 2024 November elections.
Masaligon si Trump nga mas baga ang ihap sa misuportar kaniya itande kang Vice President Kamala Harris nga gibansagan niyang “itoy” ni US President Joe Biden.
Wala na tubaga ni Trump ang pangutana kaniya kung mupapilisila subli kun ugaling mapildi siya sa Nobyembre.
Mihilom lang si Trump ug wala panumbalinga ang pangutana kaniya.
Subay sa presidential survey nga gilusad sa dakung unibersidad sa Estadus Unidos, nagpabiling daug si Trump gikan sa tulo ka ‘vote-rich’ nga mga estado sama sa Arizona, Georgia ug North Carolina.
Mitala si Trump sa voter scores nga 50, 49, 49 itande sa 45, 45, 47% scores ni Harris.(Bombo Anne Quileste).
