Gipadayag sa kampo ni Senador Ronald “Bato” dela Rosa nga mailang pagpang-ipit ang gigahin nga 50 milyon pesos nga ganti sa kagamhanan alang sa bisan kinsang makatudlo sa gikahimutang sa senador.
Lakip na usab nga giila nilang pagpang-ipit ang isa ka semanang ‘ultimatum’ sa Philippine National Police (PNP) aron boluntaryong motahan na ang senador.
Mao kini ang gipaambit sa abogado ni Senador dela Rosa nga si Atty. Israelito Torreon niadtong eklusibo kining makahinabi sa Bombo Interviews sa Bombo radyo.
Matud ni Torreon, posibleng gigamit lamang ang maong isyu isip bahin sa ‘political circus’ sa kagamhanan aron tabunan matud pa ang uban pang mas importanteng problema sa nasud.
Mahinumdoman nga gipahibalo mismo ni Department of Interior and Local Government (DILG) Secretary Jonvic Remulla ang ’50 million pesos bounty’ batok sa senador ug gihatagan usab kini og isa ka semana nga ‘ultimatum’ sa nasudnong kapulisan aron motahan na sa otoridad nga natapos na niadtong Biyernes.
Si Senador dela Rosa kay nag-atuabng og warrant of arrest gikan sa International Criminal Court (ICC) niadtong gipangalanan kini isip co-perpetrator ni kanhi Presidente Rodrigo Duterte sa implementasyon sa ‘war on drugs. (raniel mahunyag)
