Nagpalanog sa iyang kahingawa si United Nations Secretary General Antonio Guterres kabahin sa paglihok sa puwersa ni Israeli Prime Minister Benjamin Netanyahu sa de-militarized zone sa Golan Heights nga nag-utlanan sa Israel ug Syria.
Kini tungod kay nagmando si Netanyahu nga i-aktibo ang ilang puwersa sa maong utlanan batok sa posibleng paglig-on sa teroristang ISIS.
Miingon si UN Secretary General spokeperson Stephan Dujarric nga angayang mohawa ang puwersa sa Israel kay bag-o pa nakabalik ang kahusay’g kalinaw sa Syria nga gihuptan sa napalagpot nga si Syrian Pres Bashar al-Assad.
Gani, angay motabang ang Israel nga paspas makabalik ang normalisasyon sa Syria nga kanhi nag-atubang sa 14 ka tuig nga gubat-sibil tungod ni Assad.
