CAGAYAN DE ORO CITY – Gihuptan sa kanunay ni Misamis Oriental Provincial Gov. Peter Unabia ang taas nga respeto sa mga miembro sa Maranao community.
Kini ang tipik sa paghatag katin-awan ni Unabia isip tubag sa tinuyo nga gipakatag nga video sa Facebook diin naghulagway nga wala siya’y pagtahod ngadto sa igsoong mga Muslim ilabina sa pagsilbing sensentibo niini.
Siya miingon nga mugna kini nga eksena sa iyang mga kontra sa politika aron sakyanan ang na out of context niya nga mga pahayag.
Kinasingkasing nangayo’g pasaylo si Unabia kay wala niya kini gitumong nga makalabha’g balatian ug isalikway ang adunahan nga kasaysayan,kaliwatan ug dignidad sa Maranao-Muslims.
Hinoon,maoy pinaka-sentro sa mensahe ni Unabia ang pag-alerto sa kaigmat kabahin sa isyung pang-seguridad ilabina sa nagkaylap nga mga pekeng salaping papel ug ang kalit pagbutho sa dili Ilhan nga mga inbididwal sa lalawigan.
Namahayag ang gobernadora nga bisan sa maayong tinguha sa mao niyang pag-alerto, apan nasagulan kini sa hinangal nga kahulugan nga nagtinguha sa iyang kapukanan.
Nagsilbi lang usab daw kining limitado nga hitabo ug dili angay padak-on nga mag-resulta sa pagduda na hinoon sa usa ka pundok.
Mitapos kini sa pag-ingon nga isip pamilya, dugay nang nagbaton sa maayong relasyon ang mga Kristiyano’g Maranaos nga kabahin sa pagkab-ot sa tinguha nga magpabiling malinawon ang Mindanao.
