CAGAYAN DE ORO CITY – Dili supakon sa grupong United Drivers Associaiton o UNIDA ang pagpatuman sa Roads and Traffic Administration (RTA) ang Local Public Transport Route Plan (LPTRP) sa syudad sugod Hunyo 3 ning tuiga.
Miingon si UNIDA Pres Joel Gabatan nga hatagan nila sa kahigayun nga ipatutman ang maong programa ug ayha na sila mohimo’g pagsaway kung palpak lang gihapon ang resulta.
Miingon si Gabatan nga makatulo na kini kahigayon nga nasibog ang maong programa rason nga dili una sila mobabag niini.
Apan nanganti kini nga kung sa higayon nga walay kabag-uhan ang kahimtang sa transportasyon sa syudad,mohimo na sila sa pagwelga atubangan sa buhatan ni City Mayor Rolando ‘Klarex’ Uy.
