CAGAYAN DE ORO CITY – Mosunod ang mga sakop sa United Drivers Association o UNIDA sa ipatuman nga kamanduan sa Land Transportation and Franchising Regulatory Board/LTFRB nga usbaw sa pletahan sa mga publikong sakyanan sa tibuok nasud sunod semana.
Kini tiwala nga walay gipangayo nga dugang usbaw sa pletehan ang UNIDA ngadto sa maong ahensiya alang sa ilang nga mga operator ug drayber nga nakabase sa Northern Mindanao.
Gibutyag ni UNIDA President Joel Gabatan nga obligado sila mosunod sa unsay ipatuman nga mga kamanduan sa maong ahensiya.
Apan giklaro ni Gabatan nga wala sila’y ideya kung kinsa nga grupo ang nagduso sa maong petisyon nga hayan gibasehan sa LTFRB sa pagpatuman sunod semana.
Dumduman nga mismo si LTFRB chairman Atty. Teofilo Guadiz III ang misulti nga adunay un-peso nga usbaw ang ilang ipatuman sa pletehan epektibo.
Kini tungod kay nagsunod-sunod na usab ang pagsaka sa presyo sa produktong petrolyo nga nag-unang apektado ang sektor sa transportasyon sa nasud.
Hisayrang giklaro usab ni Guadiz nga flat-rate lang una ang ilang ipatuman ug dili ang kada-kilometro aron kalikayan nga mabug-atan ang mga sumasakay.
