Nag-andam ang Estados Unidos alang sa posibilidad sa walay undang nga operasyon batok sa Iran kung magpahimangno si United States President Donald Trump sa pag-atake. Sumala sa mga opisyal, mas lawom ug mas seryoso ang plano itandi sa mga naunang military retaliation sa US ug posibleng targeton dili lang ang ‘nuclear facilities’ apan apil usab ang mga pasilidad sa estado ug seguridad. Hisayran nga ang Pentagon nagpadala na og dugang nga puwersa sa rehiyon lakip ang aircraft carrier USS Gerald R. Ford, libu-libong mga sundalo, fighter aircraft, ug guided-missile destroyers. Subay niini, gidugang pa sa White House nga gikuptan pa gihapon nila ang tanang klase sa opsyon samtang nagahulat sa resulta sa negosasyon sa Geneva nga gipasiugda sa Oman. (Phillip Ariata)
