Gipadala sa Pentagon ang ika-duhang aircraft carrier group nga USS Gerald R. Ford ngadto sa Middle East aron palig-onon ang presyur batok sa nasud Iran. Sumala ni United States President Donald Trump, ang maong lakang mipasabot sa pagtaas sa hulga militar samtang mipadayon ang negosasyon kabahin sa nuclear program sa Iran. Ang Ford carrier strike group, nga giila nga labing abante nga barko sa US Navy, unang gipuwesto sa Caribbean Sea pipila ka bulan ang milabay isip kabahin sa kampanya batok sa iligal nga droga sa Venezuela. Sa Middle East, makig-uban na kini sa USS Abraham Lincoln nga daan nang gipuwesto sa rehiyon.Gipasiugda sa White House nga ang pag-deploy sa ika-duhang carrier group, usa ka klarong mensahe nga ang Estados Unidos migamit sa diplomasiya ug puwersa militar aron ipakita ang determinasyon taliwala sa tensiyon sa Middle East.
