Dili tubig-ulan, apan nagbaha nga ihap sa mga raliyesta ang misugat sa kadaugan ni US President Elect Donald Trump.
Kini human libuang mga magtutungha, LGBTQ members, mga kababaihan, edaran ug mga trabahante nga nawad-an sa trabaho ang naghiusa aron ibasura ang resulta sa piliay.
Kahinumduman nga sa milabay’ng mga political rallies ni Trump, kanunay nga gipalanog niini nga supak siya sa mga transgender, abortion ug mupatuman sa mass deportation oras nga mulingkod na sa White House sa Enero 2025.
Nabalaka usab ang grupo nga sa paghawid ni Trump sa katungdanan daghan anti-racist ug anti-LGBTQ nga balaod ang mugnaon sa iyang administrasyon.
Hinoon, nahuman nga nagmalinawon ang rally ug walay natalang mga nasikop tungod sa gipakatag nga gatus nga ihap sa mga pulis sa New York City.
Sa pikas bahin, gikompirmar ni White House Press Secretary Karine Jean-Pierre nga nadunggan ni outgoing President Joe Biden ug Vice President Kamala Harris ang mulo sa nagprotesta nga mga miyembro sa Black, Brown ug LGBTQ+ Americans.(Bombo Ann Quileste).
