Mibubo sa kasuko si United States President Donald Trump sa mga lideres sa Russia ug Ukraine tungod sa nagpadayong “drone war” sa duha ka nasud. Sa iyang pagtambong sa World Economic Forum, gitawag ni Trump sila Russian President Vladimir Putin ug Ukraine’s President Volodymyr Zelenskyy nga mga istupido kung dili nila undangon ang mag-upat ka tuig nga gubat. Miingon si Trump nga sobra na ang kadaot ug libuang kinabuhi na ang nakalas sa walay pulos nila nga gubat. Maoy gikalagot ni Trump ang daghang ceasefire deal nga iyang gitanyag apan, pulos ra takdo ang duruha ug wala gihapoy hunong sa binaslanay sa pagpamomba ug atake gamit ang drones.
