CAGAYAN DE ORO CITY, Philippines – Patay ang usa sa tolo ka suspek nga nanulis sa gas station sa Barangay Adtuyon, Pangantucan, Bukidnon, kagahapon sa buntag.
Namahayag ang Pangatucan Municipal Police Station nga wala pay tagtungod nga mi-claim sa lawas sa usa sa mga suspek kinsa nakabsan human nakigpinusilay sa mga otoridad sa gilusad nga pursuit operation.
Gibutyag sa tag-iya sa gasolinahan nga migamit sa Toyota Fortuner, kolor abo ang mga suspek isip getaway vehicle human nila nalimas ang halin sa patigayon.
Nasapon ang sakyanan sa mga suspek sa check point sa Brgy Road, Sitio Bugwak, Bacusanon, Pangantucan subay sa description sa mga nakasaksi sa krimen.
Paspas nga gipadagan sa mga suspek ang ilang sakyanan dihang gi-apas sa patrol car sa pulis ug nagresulta kini sa pagkadiskarel sa kanal.
Dinaliang misibat ang mga suspek pagawas sa nahulog nila nga sakyanan ug namusil sa mga pulis.
Nakadagan pa ang usa kanila apan intimano kining naigo sa nahitabong shootout sa kasagbutang bahin sa San Guinto, Bacusanon, Pangantucan.
Kuyog sa Bukidnon PNP sa hot pursuit operatiomn ang ang mga personahe sa 1004th Regional Mobile Force Battalion, Kalilangan PNP, 2nd Provincial Mobile Force Company ug Task Force Kalinaw.
Nakuha sa posisyon sa namatay nga suspek ang iyang armas ug explosibo.
Giturn-over na sa Scene Of the Crime Operatives (SOCO) ug Explosive Ordnance Disposal Team (EODT) ang napalgan nga mga eksplosibo sulod sa gi-abandonar nga sakyanan.
