CAGAYAN DE ORO CITY – Dili bakwion sa National Confederation of Transport Union o NCTU-Northern Mindanao ang ilang gipangayo’g usbaw sa pletehan nga balor 5 pesos sa mga jeep depasayruhan dinhi sa dakbayan.
Kini tungod sa laing hugna na usab sa umento sa presyo matag-litro sa produktong petrolyo ugmang adlawa.
Miingon si NCTU 10 coodinator Joel Gabatan,mismo sila apektado kon mahimong 13 pesos ang minimum nga pletehan apan wala sila’y mahimo tungod usab ka-mahal na kaayo sa presyo sa petrolyo.
Samtang dismayado ang mga drayber sa mga pampublikong sakayanan tungod sa pakyas nga saad sa LTFRB nga dugang fuel subsidy nga ilang madawat ning bulana.
Kini aron makuha-kuhaan unta ang kalbaryo sa PUV drivers nunot sa walay hunong nga pagsaka sa presyo sa produktong petrolyo.
Gibutyag ni NCTU-10 coordinator Joe Gabatan nga daw igo lang sila gilipat sa gobierno aron dili ihinayon ang dakong transport pahulay gumikan sa pagka-inotil nga pugngan ang kada-semana nga umento sa presyo sa produktong petrolyo.
