Gimanduan ni Pres Bongbong Marcos ang mga hingtungdang ahensiya nga likayan una ang pagpagawas sa dugang impormasyon sa paghatag kagawasan kang Mary Jane Veloso nga detinado sa Indonesian govt tungod sa kasong illegal drugs.
Kini bisan nga mismo si Marcos ang naghangyo sa Indonesian govt nga mabalhin sa kustodiya sa Pilipinas si Veloso nga dugay ra untang hukman sa kamatayon o death sentence.
Miingon si Marcos nga agi’g pagtahod sa Indonesian govt, giaghat ang mga buhatan sa gobierno nga walay ilugwa nga dugang impormasyon.
Kini sa tuyo nga dili makompromiso ang pagbalik ni Veloso nga unang nadakpan sa Indonesian govt tungod sa paghupot sa droga sa miaging katuigan.
