CAGAYAN DE ORO CITY -Gituki karon sa South Korean national assembly ang pagpabalik sa 5-mil ka tonelada nga basura sa Verde Soko Philippines Incorporated nga unang gitambak sa Sitio Bugwak,Brgy Sta Cruz,Tagoloan,Misamis Oriental.
Kini aron ilugwa na ang pondo nga gamiton sa South Korean govt pagkuha sa mga basura nga unang gipasulod sa lalawigan niadtong Hulyo 2018.
Miingon si Mindanao Container Terminal collector John Simon nga hulaton nila ang barko aron kargahan sa naka-impake na nga mga basura posible ning bulana.
Dumduman nga tungod sa maong mga basura,walo ka akusado nga naglakip sa tulo ka Koreano ang nakasuhan sa korte ning syudad.
Hisayrang una nang napabalik sa Bureau of Customs ang libo kapin ka tonelada sa mga basura nga gisulayan usab pagpalusot sa Verde Soko pasulod sa lalawigan niadtong Oktubre 2018.
