Miligid na ang imbestigasyon sa Department of Education – Cagayan de Oro City Schools Division sa off-campus bullying nga nagviral sa social media, ug gikalambigitan sa mga magtutungha sa sekondarya ning syudad. Namahayag si Alvic Marie Francisco, Child Protection Focal Person sa DepEd CDO nga gipulong una nila ang magtutudlo, ug school principal lakip na ang Barangay Council for the Protection of Children o BCPC ug kapulisan aron mahatagan sa katin-awan ang issue. Gitin-aw ni Francisco nga pulos mga biktima ang nalambigit sa bullying ug wala ma tratar nga offender o suspek sa insidente. Kagahapon, wala una gipatungha ang mga nalambigit nga estudyante kay gi-eskedyul ang ilang interogasyon sa sunod adlaw kauban ang kadagkuan sa DepEd, mga ginikanan, mga magtutudlo ug representante sa barangay kuyog ang WCPD sa kapulisan.
