CAGAYAN DE ORO CITY, Philippines – Gimando sa Department of Interior and Local Government (DILG) ang masusing imbestigasyon sa nagviral nga video sa social media, dungan sa ikatolo nga State of the Nation Address (SONA) ni Presidente Ferdinand “Bongbong” Marcos, Jr.
Makita sa video ang nawong sa lalaki nga kamay-ong ni Presidente Marcos.
Unang gipiyestahan ang video sa Maisug Rally sa Estadus Unidos, ug paspas nga mikaylap dinhi sa Pilipinas.
Miingon Interior Secretary Benhur Abalos Jr., nga gisugo niya ang Philippine National Police (PNP) nga tutukan ang video ilabe nga ang tawo nga makita naghithit sa ilegal nga druga.
Ang mga netizen, mibansag sa video sa isip “Polvoron Session”.
Una niini, giila ni Executive Secretary Lucas Bersamin nga malisyoso ang pagpakatag ug mga nagpakatag sa video, kung hisgutan ang “timing” sa pagpahungaw niini.
Naka-abot usab sa buhatan sa DND nasampit nga video ug namugos nga kini peke.
