Siya mao ang Hari sa mga hari ug Ginoo sa mga ginoo.” Mabasa kana sa 1 Timoteo 6:15. Ning adlawa, ang tibook Simbahang Katolika sa kalibutan nagselebrar sa piyesta sa Christ the King. Gitawag usab kining selebrasyon sa Cristo Rey sa mga Espanya kay ang pulong nga Rey, nagsimbolo sa ngalan sa hari. Ang paghayag sa pasidungog selebrasyon maoy sentro sa pista sa katapusan nga Domingo sa tuig-liturhikal. Kini nagpadumdum sa mga kristiyano nga si Kristo mao ang Hari sa tanang kinabuhi ug kalibutan, kundiin ang tanan hitabo magsugod kaniya ug matapos kaniya .Ang simbahan nga padayong nagbarog sa libuang mga kauigan nagpakita sa gahum ni Kristo dili mapugngan.
Unsa ba ang bili sa selebrasyon?Dinhi sa Pilipinas, adunay mga lugar ang gaselebrar sa pista ning adlaw kay siya man patron. Apan ang pangutana, unsa ang relevance sa selebrasyon sa matag Kristiyano nga tumutuo ni Kristo? Usa sa labing lig-on nga tubag mao ang pag-ila kang Kristo nga siya ang hari sa atong kinabuhi, ug kung wala siya, mawad-an usab sa bili ang atong pagpuyo sa kalibutan. Ang simbahan, nagpadumdum kanato nga si Hesus ang ehemplo sa liderato nga kinahanglan sulod sa matag pamilya, komonidad, ug matag nasud. Nganong si Hesus man? Kay sa pag-abot palang niya sa kalibutan, kalinaw ang iyang dala. Ning panahon sa daghang krisis ang leader nga naghupot sa kalinaw, ug adunay makalmahon nga abilidad mao ang paglaum sa usa ka pamilya, komonidad ug mga nasud. Pinaagi sa selebrasyon, ang kagubot sa sekularismo matapos pinaagi sa pag-ila nga si Kristo Hesus ang tinood nga Hari sa tanan. Ang pag-ila kaniya isip hari, dili ikalimod nga dakung hagit sa bag-ong henerasyon kay, daghang bag-ong tubo ang na-impluwensiya sa atheism o pagtuo nga walay Ginoo. Ang pagtuo nga wala siya mag-exist sa kalibutan ang Kristianismo, mugna lang sa huna-huna nga napasa-pasa ug naporma ang sistimatikong pagtuo gikan sa nagpailang mga propeta. Lisud awhagon ang mga dili gatuo sa Ginoo nga musalmot sa Piyesta sa Christ the King.
Sa mga Romano Katoliko nganong kinahanglan man nato eselebrar kini? Kung balikan nato ang kasaysayan sa panahon ni Papa Pio XI sa 1925, iyang gisugdan ang selebrasyon aron hatagan sa katapusan ang hagit sa sekular nga kalibutan nga nagpalayo sa Dios. Kini nga selebrasyon maoy pinakalig-ong pamaagi nga kitang mga tumutuo ni Kristo, nagmadaugon sa espiritwal nga pakigbisog, taliwala sa mga daghang hagit sa iyang pagtumaw sa kalibutan ug sa iyang namugna nga kominidad, nga gilangkoban sa iyang mga apotoles, ug mga disipolo. Ang kahulugan sa selebrason anaa sa paglig-on sa atong pagtuo nga siya lang Hari sa tanan Hari
Ning adlawa, alang sa mga kristiyano, sugdan nila ang ang selebrasyon pinaagi sa pagsimba, ayha magpakaon ilabe na kadtong gihimong patron si Kristo Rey. Kini nga okasyon naghatag oportunidad sa mga Kristiano nga angayan lang pasidunggan ang pagkahari ni Kristo, kay ang tanan niyang mga sumusunod, sakop sa iyang gingharian. Ang Pista ni Cristo Rey nagdala sa katawhan sa pagtan-aw sa katapusan nga adlaw. Nagkahulugan kini nga si Kristo mao ang maghukum sa tanang tawo. Pinaagi sa selebrasyon gi-awhag ang mga kristiano nga mangandam sa pag-abot sa Adviento. Naghatag kinig espiritwal nga kalig-on sa mga tumutuo.
Ubanan nato sa kalipay, kalinaw ug Diosnong Kalooy ang selebrasyon sa piyesta sa Christ The King!
