ESTADOS UNIDOS – Gitakdang pormal nga e-endorso sa partido Democrats si US Vice Pres Kamala Harris nga official presidential nominee alang sa piliay sa Amerika sunod semana.
Kini human inisyal nang nakuha ni Harris ang pag-uyon sa kadagkuan sa partido apan kinahanglan na lang niini ang pormal nga pagsuporta sa mga kauban isip hulip sa misibog nga si US Pres Joe Biden.
Miingon si Harris nga sayod kini kon unsay kalidad nga pagkatawo si kanhi US Pres Donald Trump kinsa nagbaton sa li-ong suporta itandi kang Biden sa padayong election campaign sa Amerika.
Himoon ang piliay tali Harris ug Trump sa Nobyembre ning tuiga.
