Gidumdum ni Vice President Sara Duterte ang unang anibersaryo sa “extraordinary rendition” o “kidnapping” kang kanhi Presidente Rodrigo Duterte dihang gibalhog kini sa prisohan sa International Criminal Court (ICC) didto sa The Hague, Netherlands.
Miingon ang bise presidente nga kini nga adlaw nagpamatuod sa dakong pagsuway sa bili sa demokrasya sa nasud, prinsipyo sa due process ug rule of law.
Namugos ang bise presidente nga ang extraordinary rendition usa ka seryosong pahimangno nga ang balaod dili angay gamiton isip kasangkapan sa pulitika o personal nga interes.
Iyang giingon nga ang paglapas sa katungod sa usa ka indibidwal pinaagi sa mga iregular nga proseso dili lamang usa ka pag-atake sa hustisya, apan usa usab kini ka hagit sa nasudnong soberanya.
Siya mitin-aw nga ang tinuod nga gawasnong nasud gipadagan sa kaugalingong mga institusyon nga gawasnon gikan sa bisan unsang gawasnong dikta.
Nanawagan siya sa tanan nga magpabilin nga mabinantayon ug mi-awhag nga kinahanglan magpabilin nga gawasnon, matinud-anon, ug lig-on ang mga institusyon batok sa bisan unsang pagsulay nga buot motuis sa hustisya.
