CAGAYAN DE ORO CITY – ”Kamo pa ba o dili na?” Kini ang pangutana ni Vice Pres. Sara Duterte nga nagdala’g kahugyaw sa mga tawo ngadto kang re-electionist 2nd District City Councilor Girlie Balaba atol sa usa ka katigumang-politikanhon sa covered sa Barangay Macabalan ning syudad kagabii.
Kini human mihatag sa pakigpulong si VP Sara diin nasampit niini ang mga nangutana ug nangumusta sa kahimtang sa ilang amahan nga si kanhi Pres Rodrigo Duterte nga ubos sa kostudiya sa International Criminal Court o ICC sa The Hague,Netherlands.
Sa pagsampit Inday Sara sa pangalan sa konsehala,grabe ang paghugway sa ilang political supporters kay gihisgot man niini ang ‘mutual relationshiop’ sa kanhi pangulo sa nasud.
Hinoon,walay gihatag nga komento si Balaba sa sambingay ug komedya sa pagkampanya ni VP Sara sa mga kandidato pagka-senador ug local sulod sa maong kalihukan kagabii.
Dumduman nga pipila ka adlaw gikan sa pagka-kustodiya ni Digong sa ICC, nakamulong si Balaba nga modalikyat kini sa Netherlands aron ipaabot usab ang pag-atiman ngadto kaniya.
Hisayrang dugay nang panahon nga giangkon ni Balaba nga suod sila nga higala ni Duterte sukad pa nga aktibo pa kini sa media sa Davao City hangtod nga nag-uli sa Cagayan de Oro City aron mag-konsehala.
