Nakabalik na sa Pilipinas si Vice President President Sara Duterte, human niya giselebrar ang iyang ika-47 nga adlaw nga natawhan sa The Hague, Netherlands.
Segun sa Office of the Vice President, naka-abot ang bise presidente sa Ninoy Aquino International Airport (NAIA) kagabie.
Mahinumduman nga milangyaw ang bise presidente ug ang iyang inahan nga si Elizabeth Zimmerman aron kuyugan siya nga iselebrar ang iyang birthday sulod sa selda sa iyang 80 anyos nga amahan nga si kanhi Presidente Rodrigo Duterte.
Si Duterte napriso sulod sa selda sa International Criminal Court (ICC) tungod sa mga akusasyon sa crimes against humanity.
Ang pagbalik ni VP Sara sa nasud, nahitabo usa ka semana sa wala pa mag-convene ang senado isip impeachment court.
Hisayran nga tolo ra ka beses nakabisita si VP Sara ug ang iyang inahan, ug wala tuguti sa korte nga makabisita ang iyang higala nga si senador Imee Marcos, nga gusto unta mangumusta sa iyang amahan
