Gipangayo ni Vice Pres Sara Duterte sa kahitas-an nga unta gasahan pa sa kahimsog sa panglawas ug taas nga kinabuhi si kanhi Pres Rodrigo Duterte.
Kini ang kabahin sa mensahe ni VP Sara alang sa ilang amahan nga nagsaulog sa ika-80 nga tuig sa adlaw’ng natawhan nga layo sa Pilipinas kay binilanggo sa International Criminal Court sa The Hague,Netherlands.
Miingon si Inday Sara nga nagpasalamat kini sa tanang kaliwat Pilipinhon nga nagpaabot sa pagmahal ug suporta sa kanhi presidente dili lang sa Pilipinas apan sa tibuok kalibutan nga naglakip sa The Netherlands.
Mihangyo usab ang bise-president nga magpadayon ang suporta ug pagpangga sa katawhan kang Duterte hangtod sa umaabot piliay sa iyang mga kandidato pagka-senador dinhi sa nasud.
Siya miingon nga kaisog,suporta ug pag-ampo sa katawhan,nagsandig ang pamilya Duterte diin sila mihinaut nga makab-ot ang hustisya alang sa kanhi pangulo,katawhang Pilipinhon ug Pilipinas.
