CAGAYAN DE ORO CITY, Philippines – Suportado ni Vice President Sara Duterte ang sugyot sa iyang igsoon nga si Davao City Representative Paulo Duterte nga ipaubos ang tanan opisyal sa gobyerno sa random drug test.
Gihimo sa bise presidente ang pamahayag human sakop sa House Bill 10744 ang pagpadrug test sa presidente, ug bise presidente sa nasud sulod sa matag unom ka bulan.
Miingon si Duterte nga tukma lang nga ipakita sa mga nanarbaho sa gobyerno nga sila maayong ehemplo sa katawhan ug anaa sa maayong tonada ang pangutukan samtang naghawid sa taas nga posisyon.
Una niini, gitumnong ni Representative Duterte nga amiyendahan ang Republic Act 9165 o mas naila isip Comprehensive Dangerous Drugs Act of 2002 aron gawas sa ihi, mahimo nang magamit ang buhok sa aktual nga drug test.
