CAGAYAN DE ORO CITY – Negatibo nga mga komentaryo ang nadawatan ni Vice Pres Sara Duterte gikan sa pipila ka iladong mga personalidad kabahin sa iyang bahad nga hab-awon ang mga bukog ni late Pres Ferdinand Marcos Sr ug ilabay sa lawod sa West Philippine Sea.
Kini human nagpatawag sa prescon ang bise-presidenti aron ipadayag ang dakong kadismaya sa liderato ni Pres Bongbong Marcos nga kanhi niya kaalyado sa 2022 elections.
Miingon si kanhi City Mayor Oscar Moreno nga nagpakita sa ngil-ad nga mensahe ang gihimo ni VP Sara nga bisan ang patay giapil niya sa iyang kasuko batok sa mga Marcos.
Nasabtan ni Moreno ang kayugot ni Inday Sara apan kadto angay buhaton sa ikaduhang labing taas nga opisyal sa kagamhanan sa nasud.
